268

Fréttir

Birt 14 september 2017
Print

Stjórn Landvarðafélags Íslands var að senda eftirfarandi bréf til umhverfis- og auðlindaráðherra:

 

Varðar: Þjóðgarðsstofnun

Landvarðafélag Íslands fagnar þeim fregnum sem komu frá umhverfis- og auðlindaráðuneytinu um stofnun Þjóðgarðsstofnun þar sem áætlað er að sameina yfirstjórn friðlýstra svæða á Íslandi undir eina stofnun. Landverðir hafa lengi talað fyrir Þjóðgarðsstofnun þar sem sterk sameiginleg stofnun er nauðsynleg til að takast á við krefjandi aðstæður og náttúruverndarmál. Á sama tíma harmar félagið það að enginn fulltrúi frá félaginu sé í starfshópnum sem skipaður var á dögunum um þjóðgarðsstofnun.

Meirihluti starfsmanna og kjarni þjóðgarða eru landverðir. Hér á landi eigum við metnaðarfullan hóp landvarða sem býr yfir viðamikilli reynslu við verndun landsins. Þessi reynsla gefur okkur innsýn í viðkvæma stöðu náttúruverndar og þekkingu á vandamálum hennar og tækifærum. Þjóðgarðsstofnun færi með málefni þjóðgarða sem þurfa að feta þann mikla línudans á milli verndunar náttúru og ferðalaga gesta með ólíkar væntingar og þarfir. Til að ná þessu jafnvægi þurfum við að nýta mannauðinn sem hefur vaxið í starfinu við að takast á við krefjandi verkefni landvörslunnar í öllum veðrum og vindum, sandi og mosa, á fjöllum og í upplýsingamiðstöðum. Á sama tíma þarf að standa vörð um landvarðastarfið og tryggja að væntanlegar breytingar á umgjörð starfsins gangi sem allra best. Því skorum við á nefndina að taka inn fulltrúa frá Landvarðafélagi Íslands sem getur miðlað reynslu beint úr starfinu, verið rödd landvarða og lagt hönd á plóg að gera Þjóðgarðsstofnun að farsælum veruleika.

Virðingafyllst

Landvarðafélag Íslands,

 

 

Landvarðafélagið á facebook

Myndir úr starfseminni

landvardadagurinn-skaftafell.jpg

Orð að sönnu

Tökum aðeins með okkur myndir og minningar úr náttúrunni og skiljum ekkert eftir.